El nacimiento de Jesús, según s. Lucas (adaptación)

 

Adoración de los pastores, Zurbarán

Cum essent Ioseph et Maria in Bethleem, peperit filium suum primogenitum; et pannis eum involvit et reclinavit eum in praesepio, quia non erat eis locus in diversorio.

Et pastores erant in regione eadem, vigilantes et custodientes vigilias noctis supra gregem suum. Et angelus Domini stetit iuxta illos, et gloria Domini circumfulsit illos, et timuerunt timore magno.

Et dixit illis angelus:

"Ecce vobis evangelizo vobis gaudium magnum quod erit omni populo, quia natus est vobis hodie Salvator, qui est Christus Dominus in civitate David. Et hoc vobis signum: invenietis infantem pannis involutum et positum in praesepio".

Et venerunt festinantes et invenerunt Mariam et Ioseph et infantem positum in praesepio.